سؤزۆنگ بیربادا آیدئلیان بؤلگینه بۇغون دیییلیأر.
آ - غاچ، اۇت - لوق، غول - پاق.
سؤزده نأچه چکیملی بۇلسا، شۇنچا-دا بۇغون بۇلیار.
غۇچ، گِ – چی، آ - مان .
بۇغون ایکی هیلی بۇلیار:
تۆرکمن دیلینده بار بۇلان بیر بۇغونلئ سؤزلر، اساسان، چکیمسیزه غوتاریار.
مِن، سِن، قاق، گِل، گۆل، گؤر، و. ش. م.
تۆرکمن دیلینده سؤزلرینگ اۇرتاسئندا چکیملی سسه باشلانیان بۇغون بۇلمایار. شۇنگا گؤرأ-ده چکیمسیزه غوتاریان سؤزلره چکیملی بیلن باشلانیان غۇشولما غۇشولئپ، بۇغنا بؤلۆننده شۇل سؤزلرینگ سۇنگونداقئ چکیمسیز اؤز ائزئنداقئ بۇغنونگ اؤنگۆنه گچیأر.
| قاق | قا-قئ-مئز |
| شِ - کِر | شِ - کِ - ره |
ایکی و اۇندان-دا کؤپ بۇغونلئ سؤزلر سطیردن سطیره بۇغنا بؤلۆنیپ گچیلیأر. شۇندا سؤزۆنگ سطیر-ده غالیان بؤلگینینگ ائزئندان کِسه چئزئجاق (-) غۇیولیار.
بیر حارپدان عئبارات بۇلان بۇغون سطیر آخئرئندا غالدئرئلمایار و تأزه سطیره گچیریلیأر.
بیرنأچه سؤزۆنگ سۇنگوندا ایکی چکیمسیز سس یاناشئق گِلیأر. اۇلارئنگ آراسئندا چکیملی سس اشیدیلیأن یالئ بۇلسا-دا، اۇل یازئلمایار و بیر بۇغون حاساب ادیلیأر.
غایت، سۆیت، واغت، یئرت و. ش. م.
امّا بو هیلی بیر بۇغونلئ سؤزلرده چکیملی بیلن باشلانیان غۇشولما غۇشولاندا-دا، اۇلارئنگ سۇنگونداقئ ایکی چکیمسیزینگ سۇنگقوسئ اؤز ائزئنداقئ بۇغنونگ اؤنگۆنه گچیأر.
| باغت | باغ - تئنگ |
| خالق | خال-قئ-مئز |