هایسئ-دا بۇلسا بیر دیلده اولانئلیان سۆزلرینگ هممهسینه شۇل دیلینگ لِکسیکاسئ یا-دا سؤزلۆک دۆزۆمی دیییلیأر. تۆرکمن دیلینینگ سؤزلۆک دۆزۆمینینگ اساسی تۆرکمن دیلینینگ اؤز سؤزلریدیر. آلئنما سؤزلر هم دیلیمیزینگ سؤزلۆک دۆزۆمینینگ بایلئغئدئر.
سؤزلر بیر و کؤپ مانئلئ بۇلوپ بیلیأر. سؤزۆنگ ایلکینجی و اساسئ آنگلادیان مانئسئنا اۇنونگ آصئل مانئسئ دیییلیأر.
آغاچ، آلما، غالام.
امّا "گؤز" سؤزی اؤز آصئل مانئسئندان، یاغنئ آداملارئنگ، حایوانلارئنگ گؤرۆش اۇرگانئندان باشغا-دا اؤرأن کؤپ مانئدا اولانئلیار.
آغاجئنگ گؤزی، اینگّأنینگ گؤزی، چشمأنینگ گؤزی، خۇرجونئنگ گؤزی و باشغالار.
ائنها شۇنونگ یالئ سؤزلرینگ اؤز مانئسئ بیلن باغلئ باشغا-دا بیرنأچه مانئدا اولانئلماغئنا سؤزلرینگ کؤپ مانئلئغئ دیییلیأر.
سؤزلر کؤپ مانئلئقدان باشغا-دا گؤچمه مانئدا هم اولانئلیار.
دوز سؤزۆنینگ آصئل مانئسئ ناهارا آتئلیان طاغاملئ زادئ-جیسمی آنگلادیار. "سنینگ سؤزۆنگ دوزئ یۇق" دییسک، گؤچمه مانئدا گلیأر. اوغور-اوتغاسئز سؤز دییمگی آنگلادیار.