آیدئلئشئ و یازئلئشئ بیر منگزش بۇلوپ آیرئ-آیرئ مانئ آنگلادیان سؤزلره اۇمۇنیملر دیییلیأر.
یۆز دیین سؤزی آلئپ گؤرهلینگ. بو سؤز ۱۰۰ دیین سانئ، آدامئنگ یۆزۆنی، سوودا یۆزمگی، مالئ سۇیماغئ-یۆزمگی آنگلادیار. امّا اۇل سؤز آیرئ-آیرئ مانئلئ دؤرت زادئ آنگلادیان بۇلسا-دا، اۇلارئنگ آیدئلئشئ، یازئلئشئ منگزشدیر.
اۇمونیملری کؤپ مانئلئ سؤزلر بیلن غارئشدئرمالئ دأل. سبأبی اۇمۇنیم بۇلوپ گلیأن سؤزلرینگ هر بیری آیرئ-آیرئ مانئ آنگلادیار.
غار-ائغال، غار-غارئشدئرماق.
کؤپ مانئلئ سؤزلر بیله دأل. کؤپ مانئلئ سؤزلرینگ مانئسئ بیر-بیرلری بیلن اؤرأن باغلانئشئقلئ بۇلوپ، اۇلارئنگ هممهسینینگ آنگلادیان مانئسئنئ شۇل سؤزۆنگ آصئل-اساسئ مانئسئندان اوغور آلیار، بیلهکی مانئلارئنگ هممهسی شۇل آصئل مانئ بیلن باغلانئشئقلئ بۇلیار.
آیاق-اۇرگانیزمینگ بؤلگی، آتئنگ آیاغئ، یابئنگ آیاغئ.