خالق کؤپچۆلیگینه دۆشنۆکلی بۇلان سؤزلره کؤپچۆلیگینگ آکتیو اولانیان سؤزلری دیییلیأر.
امّا دیلده اولانئلیان سؤزلرینگ هممهسی کؤپچۆلیگه دۆشنۆکلی بۇلوپ دورمایار. اۇلارئنگ کأبیری بللی بیر کأردأکی آداملارا دۆشنۆکلی بۇلوپ، بیلهکی بیر تۇپارئنا دۆشنۆکسیز بۇلیار. مئثال اۆچین: ستودییا، رژیسسیۇر، دوبل، کادر یالئ سؤزلر البتّه کینۇ، صونغات ایشلرینه خاص دۆشنۆکلیدیر. بولار یالئ سؤزلره پرۇفسسیۇنال لکسیکا دیییلیأر. هر پوداغئنگ، هۆنأرینگ اۆزۆنه دگیشلی لکسیکاسئ بۇلیار.