کؤنهلیشن و تأزه سؤزلر عئلمئنگ، تحنیکانئنگ، مدنییتینگ... اؤسمگی بیلن دیلینگ سؤزلۆک دۆزۆمی همیشه اۆیتگأپ دوریار: دیلده اۇزال بۇلمادئق تأزه سؤزلر یۆزه چئقیار، کؤنهلیشن سؤزلر بۇلسا اولانئشدان غالیار. شونلوقدا تأزه دؤرأن سؤزلر لکسیکادا برک اۇرون آلیار، کؤنهلیشن سؤزلر بۇلسا ییتیپ گیدیأرلر.
آرچئن، شورا، جئقئر، یۆزباشئ یالئ سؤزلر کؤنهلیشیپ اولانئشدان غالئپدئرلار. اۇنگا درک بیرژا، رکلاما، آکسییا، کۇممرسییا... یالئ سؤزلر حأضیر خاص آکتیو اولانئلیارلار.
دورموشدا آکتیو اولانئلماغا باشلان سؤزلره نۇلۇگیزملر، اولانئشدان غالان سؤزلره آرحایزملر دیییلیأر. تۆرکمن دیلینه بیلهکی دیللردن گچن سؤزلره آلئنما سؤزلر دیییلیأر. کؤنهلیشن سؤزلر (آرحایزملر)، تأزه سؤزلر (نۇلۇگیزملر)، آلئنما سؤزلر چپر اثرلرده شۇل دؤورۆنگ روحونئ برمک اۆچین اولانئلیار.