هر بیر دیلینگ لکسیکاسئ-سؤز بایلئغئ دۆرلی سؤزلۆکلرده یۆزه چئقاریار. (اۇلار شۇل دیلده اولانئلیان سؤزلری، سؤزلرینگ مانئسئنئنگ دۇغرئ آیدئلئشئنئ و یازئلئشئنئ، اۇلارئنگ هر هیلی چئلشئرئملئ هم چپر مانئدا اولانئشئنئ، بیر دیلدن باشغا بیر دیله ترجیمه ادیلیشینی اؤوردیأرلر). سؤزلۆکلر خالقئنگ تاریخئنئ، مدنییتینی، دیلینی، دیل بایلئغئنئ، میلّی آیراتئنلئقلارئنئ اؤورنمکده بیرک-بیریگه اۇنگات دۆشۆنیشمکده اؤرأن اولئ أهمییته ایهدیر. سؤزلۆکلر اؤرأن کؤپ هیلی بۇلوپ، اۇلارئنگ هممهسینده سؤزلر الیپبیی ترتیبینده یرلشدیریلیأر و شۇل دیلینگ آیراتئنلئقلارئنئ یۆزه چئقاریار.
هایسئ-دا بۇلسا بیر دیلدأکی اولانئلیان سؤزلرینگ مانئسئنئ دۆشۆندیریأن، اؤوردیأن، یازئپ بیان ادیأن سؤزلۆگه دۆشۆندیریشلی سؤزلۆک دیییلیأر.
سؤزلرینگ دۇغرئ یازئلئشئنئ گؤرکزیأن، اؤوردیأن سؤزلۆگه اۇرفۇگرافیک سؤزلۆک دیییلیأر. سؤزلرینگ دۇغرئ آیدئلئشئنئ (شۇل دیلده دۇغرئ سؤزلمگینگ نۇرمالارئنئ (قادالارئنئ) گؤرکزیأن، اؤوردیأن سؤزلۆگه اۇرفۇپیک سؤزلۆک دیییلیأر.
یکاِللی - بو یرده آدامئنگ اۇرگانیزمینی آنگلاتمایار-دا، کؤمکچیسیز آدامئ آنگلادیار.
فرازیۇلۇگیگ آنگلاتمالار ایکی و اۇندان-دا آرتئق سؤزلردن بۇلوپ (اۇلارئنگ آنگلادیان مانئسئنئ ییتی) گؤچمه مانئلارئ آنگلادیار، سؤزلرینگ تأثیرلیگینی آرتدئریار.
یدی دریانئنگ سووونئ ایچن کؤپبیلمیش، مکیر آدامئنئ آنگلادیار.
فرازیۇلۇگیییا سؤزلر بیریکمِسیدیر. بو سؤزلرینگ هممهسی بیرلیکده بیر مانئ آنگلادیار.
دیلی غئسغا (عایئبلئ، اوتانچلئ).
فرازیۇلۇگیک سؤز بیریکمهلری دیلیمیزینگ بایلاشماغئنا اۇنگات سریشده بۇلوپ خئزمات ادیأر. سبأبی بیر نأچه غۇشما سؤزلر شو اساسدا یۆزه چئقیارلار.
گلنجه-گلین اجه، باسئبالئجئ-باسئپ آلئجئ.