آدامئنگ ایچکی دویغوسئنئ آنگلاتماغا خئزمات ادیأن سؤزلره اۆملۆک دیییلیأر. اۆملۆکلر غئنانچ، بگنچ، حایران غالماق و بیلهکی دویغولارئ آنگلاتماغا خئزمات ادیأر.
وا-ای، سنمی غئز بو! (گنگ غالماق).
سؤزلمده آنگلادئلجاق بۇلونیان پیکیره لایئقلئقدا اۆملۆکلر دۆرلی هنگ اینتۇناسییا بیلن آیدئلیارلار. نتیجهده حوت بیر اۆملۆگینگ اؤزی دۆرلی اینتۇناسییا بیلن آیدئلاندا، دۆرلی مانئنئ آنگلادئپ بیلیأر.
اۆملۆکلر چپر اثرلرده اساسان، گپلهشیکده اولانئلیارلار.
اۆملۆکلر غورلوشلارئ بۇیونچا ایکی هیلی بۇلیارلار: سادا اۆملۆکلر و غۇشما اۆملۆکلر.
بیربادا آیدئلئپ، بیر بؤلکدن عئبارات بۇلان اۆملۆکلره سادا اۆملۆکلر دیییلیأر.
آ، اِی، آی، آیت، بای، وای، هیی و. ش. م.
سادا اۆملۆکلرینگ بیر-بیرینینگ ائزئندان غایتالانئپ، تیرکشیپ گلمگیندن حاصئل بۇلان اۆملۆکلره تیرکش اۆملۆکلر دیییلیأر.
وی-وی، بای-با، آ-هۇو، واخ-واخئ.
اۆملۆکلر سؤزلمینگ باشئندا گلسهلر، یازوودا اۆملۆکلرینگ ائزئندان اۇتور غۇیولیار.
بای-با، مونئ ادأینلرینی.
اگر باشدا گلن اۆملۆک بلند هنگ بیلن آیدئلسا، اۇنونگ ائزئندان یۆزلنمه بلگیسی غۇیولیار. اگر-ده اۆملۆک سؤزلمینگ سۇنگوندا گلسه اؤنگۆندن اۇتور غۇیولیار.
اورا! ارتیر تۇی! ایندی گلجک دألمی، هۇو!
سؤزلمینگ اۇرتاسئندا یا-دا سۇنگوندا گلسه-ده یازوودا آیت، آی، ای، آ یالئ اۆملۆکلر بیلن اۇلارئنگ غۇشولان سؤزۆنینگ آراسئندا دفیس غۇیولیار.
نأدأیدینگ-ای مونئ!
سؤزلمینگ اۇرتاسئندا هیچ بیر سؤزه داخئلسئز اؤزباشداق اولانئلان اۆملۆکلرینگ اؤنگۆندن و ائزئندان اۇتور غۇیولیار.
شۇنئ-مئ، هأ، ایندی یادئما دۆشدی.
اۆملۆکلرینگ سۇنگقئ سسی سۆیندۆریلیپ اوزئن آیدئلیان بۇلسا، یازوودا اۇل سس بیر نأچه گزک یازئلیار یا-دا اۆملۆگینگ ائزئندان کؤپ نۇقاط غۇیولیار.
هوووا، بالام، هوووا-هوو...
تیرکشدیریلیپ اولانئلیان اۆملۆکلرینگ آراسئندا دفیس (-) غۇیولیار.