تکست بیرنأچه سؤزلملرینگ مانئ و گرامماتیک تایدان بیرلشمهسیندن حاصئل بۇلیار. مؤچبری، تماتیکاسئ و غورلوشئ بۇیونچا تکستلر دۆرلی-دۆرلی بۇلیارلار. اۇلارئنگ بیرنأچهسی مؤچبری بۇیونچا بیر آبزاسا دنگ بۇلسا، بیلهکیلری بیرنأچه آبزاسدان عئبارات بۇلیارلار.
تکستلرینگ کأبیرلری بیان اتمه، باشغا بیرلری صوراتلاندئرما، اۆچۆنجیلری بۇلسا پیکیر یؤرتمه گؤرنۆشلریدیر. بو اۆچۆسینینگ المنتلری شۇل بیر تکستده هم دوشوپ بیلر.
تکستدأکی سؤزلملر ایکی یۇل بیلن دۆزۆلیأرلر:
سؤزلملرینگ ائزئگیدر بیریکمگیندن.
سؤزلملرینگ ائزئگیدر بیریکمهسیندن اؤنگدأکی سؤزلمینگ، هایسئ-دا بۇلسا، بیر اؤزباشداق سؤزۆنه درک سۇنگقئ سؤزلملرده یا چالئشمالار، یا اۇل سؤزۆنگ سینۇنیمی، یا-دا اؤزی غایتالانئپ اولانئلیار.
آرتئغئنگ غاپا گلیپ، آلاشاسئنئنگ باشئنئ چکنینی گؤردی (ب. کربابایو، "آیغئتلئ أدیم").
اۇلارئنگ پاراللِل باغلانئشماغئندان.
سؤزلملرینگ پاراللِل باغلانئشئغئندا تکستی دۆزیأن اؤزباشداق سؤزلملر غورلوشئ تایدان بیری-بیرلرینه یاقئن بۇلیارلار.
مال قۇویان، سئغئر غایتاریان اۇغلانلارئنگ چاسلئ سسلری اشیدیلیأردی (ب. کربابایو، "آیغئتلئ أدیم").
تۆرکمن دیلینینگ اۇرفۇگرافییاسئندا اولانئلیان یازوو بلگیلرینگ بیری-ده آبزاسدئر. اۇل تکستینگ دۆرلی یرلرینده اولانئلماق بیلن پیکیرینگ مانئ، خأصییت، اؤوۆشگین و. ش.م. بۇیونچا دۆرلی بؤلکلرینینگ آراسئنئ چأکلیأر. بو آبزاس چاپ ادیلن یا غۇلیازما تکستینگ بیرینجی سطیرینده شیله هم سۇنگراقئ دۆرلی بؤلکلرینینگ سطیر باشئندا غۇیولیان بۇش یردیر. آبزاس دییلیپ کأته ایکی آبزاسئنگ آراسئنداقئ تکست بؤلگینه هم دۆشۆنیلیأر. آبزاسا مئثالئ سیز چاپ ادیلن یا-دا غۇلیازما گؤرنۆشیندأکی ایسلندیک چپر یا-دا عئلمئ اثرده سئنلاپ بیلرسینگیز.