یؤنهکی سؤزلملر ایکی هیلی بۇلیار: یئغناق یؤنهکی سؤزلملر و یایرانگ یؤنهکی سؤزلملر.
دینگه باش آغضالاردان (ایه بیلن خاباردان) دۆزۆلن سؤزلملره یئغناق یؤنهکی سؤزلملر دیییلیأر.
آت کیشنگِدی. ایت اۆیریأر. مرجن اۇقایار. غۇیون اۇتلایار.
باش آغضالادان باشغا آیئقلایجئ آغضالارئ-دا بۇلان سؤزلملره یایرانگ یؤنهکی سؤزلملر دیییلیأر.
مرجن لابئزلئ اۇقایار. غۇیون میداندا اۇتلایار.
هممه آغضالارئ اؤز ایچینده بۇلان سؤزلمه دۇلئ سؤزلم دیییلیأر.
گؤزل اجه آغتئقلارئنا غئزئقلئ گۆررۆنگ بریأر.
کأبیر آغضاسئ غالدئرئلان، امّا اۇنونگ بارلئغئ تؤوهرکدن دویولیان سؤزلمه دۇلئ دأل سؤزلم دیییلیأر.
آز ایشلسنگ، ایگنچ آلارسئنگ، یاتسانگ - کأیینچ.
یۇقارداقئ سؤزلمینگ دۇلئ گؤرنۆشی:
آز ایشلسنگ، ایگنچ آلارسئنگ، یاتسانگ کأیینچ آلارسئنگ.
دۇلئ دأل سؤزلملر، اساسان، گپلهشیکده و غۇشما سؤزلملرده کؤپ اولانئلیار.
ایچینده ایهسی بۇلان یا-دا داشئندا اۇنونگ باردئغئ آچئق بیلدیریأن سؤزلمه ایهلی سؤزلم دیییلیأر.
انم گلدی-ده منی غوجاقلادئ.
کأبیر سؤزلملرینگ ایچینده ایهلری بۇلمایار، امّا اۇلارئنگ ایهلرینینگ کیمدیگینی، نأمهدیگینی شۇل سؤزلملرینگ خابارلارئنئنگ فۇرماسئندان آچئق آنگئپ بۇلیار.
ارتیر ایر گلرسینگ (سن - ایهسی داشئنا).
اؤز ایچینده و داشئندا ایهسی بۇلمادئق، اۇنونگ بارلئغئدا گۆمان ادیلمهدیک سؤزلمه ایهسیز سؤزلم دیییلیأر.
تۇموسدا ِاکسکورسییا گیدیلیأر.
ایهسیز سؤزلمینگ خابارئ دۆرلی گؤرنۆشلرده بۇلوپ بیلر:
تأثیرینی گچیریأن ایشلیکلرینگ ائزئنا -ئل، -یل، -ول، -ۆل، -ل غۇشولمالارئنئ غۇشماق بیلن ایهسیز سؤزلمینگ خابارئ یاسالیار.
ایشه واغتئندا بارئلیار.
اۇللوق یؤنگکمهده گلن آدلار، ایش آدلارئ، آدلاشان سؤزلر خابارلئق غۇشولمالارئنئ قابول ادیپ یا-دا قابول اتمأن، ایهسیز سؤزلمینگ خابارئ بۇلوپ بیلیأر.
شۇل هایدالئپ یؤرۆلشی.
ایأنینگ بارلئغئ دویولیان، امّا خابارئنگ بللی بیرینی یا بیر زادئ گؤرکزمهیأنلیگی سبأبلی، ایأنینگ کیم یا نأمهدیگی آچئق بیلینمهیأن سؤزلمه ایهسی نأبللی سؤزلم دیییلیأر. ایهسی نأبللی سؤزلمینگ خابارلارئ، اساسان، ایشلیگینگ حؤکمانئق فۇرماسئندان و مألیم گلجک زامان ایشلیگیندن یاسالیار.
فِرمادا ایشلهجک. آراسساچئلئغئ ساقلامالئ.